3 nəfər 9 quzu oğurlayıb

Fermadan 9 quzu oğurlamış şəxslər tutulub. Lent.az Daxili İşlər Nazirliyinin mətbuat xidmətinə istinadən xəbər verir ki, fevralın 18-nə keçən gecə Cəlilabad rayonunun Göytəpə şəhərində yaşayan Habil Nəbiyevə məxsus fermadan 9 quzu oğurlanıb.

Cəlilabad RPŞ əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş həmyerliləri Sahib Mahmudov və Elvin Şaliyev tutulub, digər 1 nəfərin şəxsiyyəti müəyyən edilsə də hələ yaxalanmayıb.

Araşdırma aparılır.