21 min manatlıq heyvan alıb pulunu vermədilər

Dələduzluq etdiklərinə görə tutulmuş şəxslərin digər əməlləri üzə çıxıb. Lent.az Daxili İşlər Nazirliyinin saytına istinadən xəbər verir ki, dələduzluq etdiklərinə görə ötən il dekabrın 18-də Ucar RPŞ tərəfindən tutulmuş Sarvan Qədimalıyevin və Fehruz Əliyevin ətrafında Zərdab RPŞ əməkdaşları tərəfindən aparılmış əməliyyat tədbirləri ilə onların Ağcabədi rayon sakini Niyaməddin Əliyevlə birgə 2015-ci ilin aprel-may ayları ərzində Qəbələ rayonunun 8 sakinini aldadıb onlardan ümumilikdə 20640 manat dəyərində inək və qoyun almaları, lakin pulunu ödəməmələri müəyyən edilib.

Araşdırmalar davam etdirilir.