204 kvadrat metrlik ev yandı

Şəki rayonunda yanğın baş verib. Lent.az Fövqəladə Hallar Nazirliyinin saytına istinadən xəbər verir ki, Aşağı Şabalıd kəndində (rayon mərkəzindən 23 km aralı) vətəndaşa məxsus ümumi sahəsi 204 kv.m olan birmərtəbəli 3 otaqlı evin yanar konstruksiyaları, ev əşyaları və evə bitişik ümumi sahəsi 32 kv.m olan talvarın yanar konstruksiyaları yanıb. Yaxınlıqdakı tikililər yanğından mühafizə olunub. Yanğın saat 03:55-də yanğınsöndürənlər tərəfindən söndürülüb.