35 yaşlı kişi 13 yaşlı uşağı bıçaqlayıb

Cəlilabadda 13 yaşlı uşaq 35 yaşlı şəxs tərəfindən bıçaqlanıb. Lent.az-ın Region TV-yə istinadən məlumatına görə, hadisə rayonun Sabirabad kəndində qeydə alınıb.

Zərərçəkənin yaxınlarının sözlərinə görə, həmin kəndin sakini, 35 yaşlı İlqar Əliyev 13 yaşlı Əli Məhərrəmovu yaşadığı evdən çölə çağıraraq qollarını tutub. Daha sonra öz azyaşlı övladına bıçaq verərək Əliyə zərbə endirməyi tapşırıb. Lakin övladı bunu etmədikdə özü bıçağı götürərək Əli Məhərrəmovun qarın nahiyəsinə zərbə endirib.

Məlumata görə, hadisə azyaşlı uşaqlar arasında baş verən dava üstündə olub. Hadisəni törətməkdə şübhəli bilinən şəxsin saxlanması ilə bağlı Cəlilabad Rayon Polis Şöbəsinin əməkdaşları tərəfindən tədbirlər həyata keçirilir.