Vəfat edən hərbçimiz dəfn edildi - YENİLƏNİB

Xəbər verdiyimiz kimi, Azərbaycan Ordusunun hərbi qulluqçusu Tağıyev Bəhri Fərman oğlu səhhətinin qəfil pisləşməsi ilə əlaqədar tibb müəssisəsinə təxliyə edilərkən yolda vəfat edib.

Lent.az xəbər verir ki, mərhum Bəhri Tağıyev Naxçıvan Muxtar Respublikası Kəngərli rayonu Xok kəndi qəbirstanlığında dəfn edilib.

***
21:33

Azərbaycan Ordusunun hərbi qulluqçusu Tağıyev Bəhri Fərman oğlu səhhətinin qəfil pisləşməsi ilə əlaqədar tibb müəssisəsinə təxliyə edilərkən yolda vəfat edib.

Lent.az xəbər verir ki, bu barədə Müdafiə Nazirliyindən bildirilib.

Faktla bağlı araşdırma aparılır.

Müdafiə Nazirliyinin rəhbərliyi vəfat edən hərbi qulluqçumuzun ailəsinə və yaxınlarına dərin hüznlə başsağlığı verir, səbir diləyir.

Allah rəhmət etsin!