Oktyabrın 11-də Daxili İşlər Nazirliyi, Qida Təhlükəsizliyi Agentliyi və İqtisadiyyat Nazirliyi yanında Dövlət Vergi Xidmətinin nümayəndələri Bakı şəhərində və bölgələrdə ümumilikdə 63 toy məclisində yoxlama aparıb.
Daxili İşlər Nazirliyi mətbuat xidmətindən Lent.az-a verilən xəbərə görə, monitorinq 57 şadlıq sarayı və 6 həyətyanı sahədə keçirilən toy məclislərini əhatə edib. Yoxlamalar nəticəsində xüsusi karantin rejimi qaydalarını pozduqları üçün 7 nəfər İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsinə əsasən cərimə olunub.
Bir nəfər barəsində materiallar baxılması üçün məhkəməyə göndərilib.
111 nəfər isə COVID-19 pasportu olmadığı üçün toya buraxılmayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
