Sumqayıtda FACİƏ: 8 yaşlı qız yandı - YENİLƏNİB

Avqustun 3-də 2016-cı il təvəllüdlü şəxs yanıq xəsarəti ilə Nərimanov Tibb Mərkəzinin nəzdində fəaliyyət göstərən Yanıq Mərkəzinə hospitalizasiya olunub.

Lent.az-ın xəbərinə görə, bu barədə TƏBİB-dən məlumat verilib.

Bildirilib ki, ona boynun, gövdənin ön səthinin, hər iki yuxarı ətrafların II və III dərəcəli termiki alov yanığı diaqnozları təyin edilib.

“Reanimasiya şöbəsində müalicəsi davam etdirilən uşağın vəziyyəti hazırda stabil ağır qiymətləndirilir”, - deyə məlumatda qeyd edilib.

Qeyd edək ki, ilkin xəbərdə yanan azyaşlının öldüyü bildirilmişdi.

***

saat 15:19

Sumqayıtda 8 yaşlı qız yanıb.

Lent.az-ın əldə etdiyi məlumata görə, hadisə şəhərin Corat qəsəbəsində qeydə alınıb.

Qəsəbə sakini, 2016-cı il təvəllüdlü Sevil Allahverdiyeva yaşadığı evin həyətində oynayarkən ipi yandırıb. Nəticədə yanan ipdən uşağa od düşüb. Valideynləri tərəfindən söndürülərək təcili xəstəxanaya çatdırılan azyaşlı aldığı yanıq xəsarətlərindən orada ölüb.

Lakin sonradan azyaşlının ölmədiyi, onun vəziyyətinin ağır olduğu bildirilib.

Faktla bağlı araşdırma aparılır.