Sevgilisini qətlə yetirən 24 yaşlı azərbaycanlıya HÖKM OXUNDU

Volqoqrad vilayətində əvvəllər məhkum olunmuş 24 yaşlı əcnəbi 50 yaşlı qadını öldürüb.

Lent.az xarici mediaya istinadla bildirir ki, bu barədə vilayət prokurorluğu məlumat yayıb.

Qeyd edilir ki, 2023-cü il martın 27-də ilkin məlumatlara görə, jiqolo xidməti göstərən Azərbaycan vətəndaşı Ələkbər İlham oğlu Axundov qadına baş çəkib. Hansısa məqamda rus qadın onu başqa qızlarla görüşməkdə ittiham edib. Mübahisə zamanı əcnəbi sevgilisinin üzünə vurmağa başlayıb, bundan sonra o, mətbəx bıçağı ilə ona 20-dən çox zərbə endirib. Dindirmə zamanı o, qadını bu yolla əziyyətdən xilas etmək istədiyini bildirib.

Bundan sonra gənc oğlan məşuqəsinin yerə düşmüş qızıl zəncirini və qolbağını, onun qızıl zinət əşyalarını, cib telefonunu və ümumi dəyəri 100 min rubl (min dollardan çox) olan musiqi dinamikini götürərək gedib. O, oğurladığı əmlakı satıb və əldə etdiyi gəliri özünə xərcləyib.

Nəticədə rayonun Volqa şəhər məhkəməsi həmin şəxs barəsində cəzasını ciddi rejimli həbsxanda çəkmək şərtilə 11 il azadlıqdan məhrumetmə hökmü çıxarıb.