Məktəbli qıza seksual zorakılıq edən yaşlı kişi tutuldu

Moskvada 10 yaşlı qıza qarşı cinsi zorakılıq etməkdə şübhəli bilinən 54 yaşlı kişi saxlanılıb.

Lent.az Rusiya mediasına istinadla bildirir ki, hadisə mayın 25-də Tyoply Stan küçəsindəki evlərdən birinin girişində baş verib. Məlumata görə, şübhəli şəxs məktəbli qıza qarşı seksual xarakterli zorakılıq hərəkətləri törədib.

Qız hadisə barədə valideynlərinə danışıb, onlar hüquq-mühafizə orqanlarına müraciət ediblər. Hazırda təqsirləndirilən şəxslə bağlı istintaq hərəkətləri aparılır, müşahidə kameralarının qeydləri öyrənilir.