İyunun 3-də saat 23 radələrində Nizami rayonu ərazisində Bakı şəhər sakini olan bir nəfərin döyülərək 120 manatının talanması barədə polisə məlumat daxil olub.
Daxili İşlər Nazirliyinin mətbuat xidmətindən Lent.az-a verilən məlumata görə, Nizami RPİ 25-ci Polis Şöbəsi əməkdaşlarının keçirdikləri əməliyyat tədbiri nəticəsində quldurluq əməlini törətməkdə şübhəli bilinən paytaxt sakinləri Yavər Cavadov və Vahid Verdizadə müəyyən olunaraq saxlanılıblar.
Nizami Rayon Polis İdarəsində araşdırma aparılır.