Daxili işlər orqanlarında yeni təyinatlar olub.
Lent.az-ın əldə etdiyi məlumata görə, bununla bağlı Daxili İşlər naziri, general-polkovnik Vilayət Eyvazov müvafiq əmrlər imzalayıb.
Əmrlərə əsasən, Beyləqan Rayon Polis Şöbəsinin (RPŞ) rəisi, pois polkovniki Rüstəm Cəfərov tutduğu vəzifədən azad edilərək Yevlax RPŞ-in rəisi vəzifəsinə təyin edilib.
Bundan başqa, Binəqədi RPİ-nin rəis müavini, polis polkovniki Ceyhun Qurbanov Beyləqan RPŞ-nin rəisi vəzifəsinə təyin edilib.
Nazirin daha bir əmri ilə polis polkovnik-leytantı İkram Əhmədov Göyçay Regional Mühafizə rəisi vəzifəsinə təyin edilib.