Bakıda DƏHŞƏT: Lider televiziyasının keçmiş işçisini əri doğradı

Bakıda beş gün əvvəl kişinin arvadını balta ilə öldürməsinin bəzi təfərrüatları məlum olub

Bakıda beş gün əvvəl baş verən dəhşətli qətlin bəzi təfərrüatları məlum olub.

Lent.az-ın APA-ya istinadən verdiyi məlumata görə, Xətai rayonu, Köhnə Günəşli qəsəbəsində əri tərəfindən balta və bıçaqla öldürülən 1991-ci il təvəllüdlü qadın Həmidə Həsənova deyil, Nahidə Həsənovadır.

Nahidə Həsənovanın əvvəllər "Lider" Televiziyasında texniki şöbədə işlədiyi də məlum olub.

Qeyd edək ki, Xətai Rayon Prokurorluğunun yaydığı məlumatda bildirilirdi ki, yanvarın 4-ü saat 15 radələrində 1991-ci il təvəllüdlü Nahidə Həsənovanın yaşadığı evdə öldürülməsi barədə rayon prokurorluğuna məlumat daxil olub.

Aparılan araşdırmalarla zərərçəkmişin əri 1987-ci il təvəllüdlü Orxan Alıyevin şəxsi münasibətlər zəminində aralarında yaranmış mübahisə zamanı N. Həsənovaya balta və bıçaqla çoxsaylı xəsarətlər yetirərək onu qəsdən öldürməsinə əsaslı şübhələr müəyyən edilib.

Orxan Alıyev şübhəli şəxs qismində tutularaq istintaqa cəlb olunub. Hazırda iş üzrə zəruri istintaq tədbirləri davam etdirilir.