Astarada eşşək kişinin qulağını qopartdı - FOTO

Astarada eşşək rayon sakininin qulağını dişləyib.

Lent.az-ın məlumatına görə hadisə Pəlikeş kəndində baş verib. 41 yaşlı Vəliyulla Talıb oğlu Əliabbasov yol ilə gedərkən, qonşunun ulağı ona hücum edib. Ulaq V.Əliabbasovu yerə yıxıb, qoluna xəsarət yetirib, sonra sol qulağını dişləyib.

Xəsarət alan kişi Lənkəran rayon mərkəzi xəstəxanasına çatdırılıb. Ona ilkin tibbi yardım göstərilib, didilmiş qulağı cərrah tərəfindən tikilib.

Sonra xəstəyə tetanus əleyhinə zərdab və quduzluğa qarşı peyvənd vurulub.

İlkin Rzayev