Azərbaycanda son 6 ayda baş verən partlayışların statistikası

Fövqəladə Hallar Nazirliyi bu ilin ilk yarısında baş verən partlayışların statistikasını açıqlayıb.

Lent.az-ın Fövqəladə Hallar Nazirliyinin rəsmi saytına istinadən verdiyi məlumata görə, fərdi evlərdə 10 partlayış baş verib, 1 nəfər ölüb, 13 nəfər xəsarət alıb.

Çoxmənzilli yaşayış binalarında 5 partlayış baş verib, 8 nəfər xəsarət alıb. Sosial-məişət və mədəniyyət təyinatlı binalarda 1 partlayış qeydə alınıb. Nəticədə 1 nəfər həyatını itirib, 3 nəfər xəsarət alıb. İnzibati binalarda 1 partlayış olub, 3 nəfər yaralanıb. Bir ticarət obyektində baş verən partlayışda isə 1 nəfər xəsarət alıb. Texnoloji qurğularda isə 1 partlayış olub, 1 nəfər ölüb, 4 nəfər xəsarət alıb. Ümumilikdə, partlayışlar nəticəsində 3 nəfər həyatını itirib, 32 nəfər xəsarət alıb.