Qəhrəmanlar unudulmur – Milli Qəhrəman Sərxan Ocaqverdiyev
16 iyul 2011 10:00 (UTC +04:00)

Qəhrəmanlar unudulmur – Milli Qəhrəman Sərxan Ocaqverdiyev

Qarabağ Azadlıq Təşkilatı və Milli Qəhrəmanları Tanıtma İctimai Birliyi Azərbaycanın ərazi bütövlüyü uğrunda vuruşmuş Milli Qəhrəmanların cəmiyyətə bir daha təqdim olunması üçün təşəbbüs irəli sürüb.

Lent.az da bu təşəbbüsə qoşulur və Milli Qəhrəmanların doğum günlərində onlar haqqında məlumatları dərc edir.

Qəhrəmanlar unudulmur!

Sərxan Surxay oğlu Ocaqverdiyev 1967-ci il iyulun 16-da Goranboy rayonu Səfikürd kəndində anadan olub. O, 1992-ci ilin yanvarında Goranboy özünümüdafiə batalyonuna daxil olub, Şəfəq, Zeyvə, Tapqaraqoyunlu kəndlərinin müdafiəsində fəal iştirak edib, düşmənin çoxlu sayda canlı qüvvəsini məhv etməklə ad çıxarıb, 1992-ci il mayın 5-də Talış kəndi uğrunda döyüşdə qəhrəmancasına həlak olub. Səfikürd kəndində dəfn edilib. Təhsil aldığı Tatarlı kənd orta məktəbi onun adını daşıyır, Goranboy şəhərində büstü qoyulub.
# 745

Oxşar yazılar