Naxçıvanda iki gənc göldə boğuldu
25 may 2009 14:30 (UTC +04:00)

Naxçıvanda iki gənc göldə boğuldu

Naxçıvan Muxtar Respublikasının (MR) Ordubad rayonu ərazisində iki gənc göldə boğularaq ölüb.

APA-nın yerli bürosunun məlumatına görə, rayonun Der kənd sakinləri, 1984-cü il təvəllüdlü Həsənov Rasim Ramazan oğlu və 1977-ci il təvəllüdlü Məmmədov Mətləb Şamo oğlu ov zamanı qayığın aşması nəticəsində göldə boğulublar. Qayıqda olan digər iki nəfər isə üzərək sahilə çıxa bilib. Kənd sakinlərinin sözlərinə görə, hadisəyə iki nəfərlik qayığa 4 nəfərin minməsi və əlverişsiz hava şəraiti səbəb olub.

Boğulanların cəsədləri Naxçıvan MR Fövqəladə Nazirliyinin (FHN) əməkdaşları tərəfindən çıxarılaraq tibbi ekspertizaya göndərilib.

Faktla bağlı Ordubad rayon Prokurorluğu tərəfindən araşdırma aparılır.
# 805

Oxşar yazılar