Xərçəngə tutulan 3 uşaq atası özünü öldürdü
19 yanvar 2011 10:03 (UTC +04:00)

Xərçəngə tutulan 3 uşaq atası özünü öldürdü

Yanvarın 18-də Lənkəran rayonunda intihar hadisəsi baş verib. Rayon Prokurorluğundan Lent.az-a verilən məlumata görə, Ləj kənd sakini, 1966-cı il təvəllüdlü Qasımov Mirzəli Ağəli oğlu özünü öldürüb.

O, özünü evinə bitişik çardağın tavanından iplə asıb. Hadisə saat 15:30 radələrində baş verib və bu zaman 45 yaşlı kişinin ailə üzvləri evdə olmayıb. Onlar evə qayıdan zaman M.Qasımovun meyitini asılmış vəziyyətdə görüblər.

Məlumatda o da bildirilir ki, özünü öldürən Lənkəran sakini uzun müddət imiş ki, xərçəng xəstəliyindən əziyyət çəkirmiş. O, heç harada işləmirmiş və çox vaxt özünə qapanmış halda gəzirmiş.

Qeyd edək ki, intihar etmiş kişi 3 məktəbli uşaq atasıdır.

Faktla bağlı cinayət işi başlanılıb.

Nizam Rza
# 347

Oxşar yazılar