Neft Akademiyasına terror hücumu nəticəsində ölənlərdən üçünün adı dəqiqləşib
30 aprel 2009 11:15 (UTC +04:00)

Neft Akademiyasına terror hücumu nəticəsində ölənlərdən üçünün adı dəqiqləşib

Azərbaycan Neft Akademiyasına terror hücumu nəticəsində ölənlərdən üçünün adı dəqiqləşib.

APA-nın Klinik Tibbi Mərkəzdə olan əməkdaşının verdiyi məlumata görə, bu xəstəxanada dünyasını dəyişən şəxslər Taleh Məmmədov, Emin Abdullayev və Ayaz Bağırovdur. Bundan başqa ölənlər arasında Ceyhun, Ruslan və Şəfa adlı şəxslər də var. Onların soyadlarını hələlik dəqiqləşdirmək mümkün olmayıb

Azərbaycan Dövlət Neft Akademiyasında bu gün baş verən terror hadisəsi nəticəsində həlak olan 10 nəfərin meyiti Səhiyyə Nazirliyinin Məhkəmə Tibb Ekspertizası və Patoloji Anatomiya Birliyinə aparılıb.

APA-nın hadisə yerində olan əməkdaşının məlumatına görə, hazırda hüquq-mühafizə orqanlarının əməkdaşları birlikdədirlər.

Bakı Şəhər Təcili və Təxirəsalınmaz Tibbi Yardım Stansiyasının baş həkiminin müavini Rauf Nağıyev APA-ya açıqlamasında bu gün baş verən terror hadisəsi nəticəsində ümumilikdə 25-ə yaxın şəxsin zərər çəkdiyini deyib.

APA-nın Klinik Tibb Mərkəzdə olan əməkdaşının məlumatına görə isə ora gətirilən 7 yaralıdan 3-ü artıq dünyasını dəyişib. Həkimlərin səylərinə baxmayaraq, onların həyatını xilas etmək mümkün olmayıb. Bununla da terror hadisəsi nəticəsində ölənlərin sayı 17-yə çatıb.
1 2 3 4 5 İDMAN XƏBƏRLƏRİ
# 1035

Oxşar yazılar