Kəndli piton ilanını dişlədi

O, bu yolla bədəninə sarılan sürünəndən xilas ola bilib

Keniyada bir nəfər piton ilanından xilas olmaq üçün heyvanı dişləyib.

Lent.az-ın məlumatına görə, Ben Nyaumbe adlı kəndli tarlada işləyərkən 4 metr uzunluğundakı sürünənlə qarşılaşıb. İlan kəndlinin bədəninə sarılaraq, onu sıxmağa başlayıb. Nyaumbe xilas olmaq üçün nə qədər çalışsa da, cəhdləri nəticəsiz qalıb. 3 saatlıq mübarizədən sonra ilan onun bütün bədəninə sarıla bilib.

Bütün gücün toplayan kəndli ilanın quyruğunu ağzına salaraq, dişləyib. Bu zaman sürünənin bir anlıq əzələləri boşalıb. Vəziyyətdən istifadə edən kəndli ilanın onu udmaması üçün dərhal köynəyini heyvanın başına keçirib və xilas olub.

Dərhal cib telefonu ilə polisə məlumat verən kəndli qurtulub. İlan isə zooparka aparılarkən yolda qaçmağa nail olub.