Oruc Zalov: “Rail Rzayevin qətlinin istintaqında yenilik yoxdur”

Daxili işlər nazirinin müavini istintaqın davam etdiyini bildirib

“General Rail Rzayevin qətli ilə bağlı istintaq davam edir”. APA-nın məlumatına görə, bu sözləri daxili işlər nazirinin müavini Oruc Zalov deyib. Üç qurum tərəfindən birgə istintaq qrupunun yaradıldığını qeyd edən nazir müavini istintaq qrupunun işini davam etdirdiyini, istintaqın gedişində hələlik hər hansı yeniliyin olmadığını vurğulayıb: “Bu səbəbdən mən heç nə deyə bilmərəm. İstintaqın gedişində hər hansı yenilik olsa, bu barədə rəsmi məlumat veriləcək”.

Qeyd edək ki, Azərbaycan Hərbi Hava Qüvvələri və Hava Hücumundan Müdafiə Qoşunlarının komandanı, general-leytenant Rail Rzayev fevralın 11-də qətlə yetirilib. Qətlin araşdırılması üçün Respublika Baş prokurorluğu, Daxili İşlər və Milli Təhlükəsizlik nazirliklərinin əməkdaşlarından ibarət birgə əməliyyat istintaq qrupu yaradılıb.