Sevgisinə cavab verməyən 17 yaşlı qızı öldürdü

Qatil iki il ərzində orta məktəb şagirdini izləyib

İstanbulda 17 yaşlı qızı yaşadığı binanın liftində bıçaqlanaraq, qətlə yetirilib.
Lent.az-ın Türkiyə mətbuatına istinadən məlumatına görə, orta məktəb şagirdi olan Əsra Celepkulunu onu sevən S.K.nın öldürdüyü ehtimal edilir. Məlum olub ki, S.K. iki il əvvəl gənc qızı sevdiyini bildirərək, ona sevgili olmağı təklif edib. Ancaq təklifinə “yox” cavabı olan S.K. qızı təhdid etməyə başlayıb. Bu təhdidlərdən çəkinən Əsra Çelepkulu vəziyyəti ailəsinə bildirib. Nəticədə ailə başqa evə köçüb, qızın məktəbini dəyişdiriblər.

Ancaq S.K. Əsranının yaşadığı evi və oxuduğu axtarıb tapıb, qızı yenidən narahat etməyə başlayıb. Sonda qızın atası Cəmaləddin Çelepkulu gənc oğlana xəbərdarlıq edib. S.K. bundan sonra qızı bir daha narahat etməyəcəyinə söz verib.

Bu gün Əsra dərsdən evə gələrkən onu binanın liftində bıçaqlayıb. Hazırda S.K. tutulub, polisdə dindirilir.