Məşhur meyxanaçının vəziyyəti stabildir

Meyxanaçının prodüseri Hacı Qurbanov Lent.az-a açıqlamasında bildirib ki, Elşən Xəzərin vəziyyəti axşamlar yaxşı olsa da, gündüzlər kəskin pisləşir: “Mədəsində kəskin ağrılar var. Axşama doğru vəziyyəti normal olur. Amma gündüzlər sakitləşdirici iynələr vurular. Çünki ağrılara dözə bilmir”.

Prodüser deyib ki, meyxanaçının mədəsində əvvəllər də ağrılar olub, amma bu dərəcəyə çatmayıb: “Bir neçə dəfə mədə ağrısından şikayət etmişdi. Amma axırıncı dəfə şiddətli ağrılar oldu. 3 dəfə təcili tibbi yardım çağırıldı, sakitləşdirici iynə vurdular, kömək etmədi. Nəticədə xəstəxanaya yerləşdirməli olduq”.

Hacı Qurbanov Elşən Xəzərin 10 gün xəstəxanada qalacağını deyib. O bildirib ki, həkimlər sabah müayinələrin nəticəsini açıqlayacaq. Zərurət yaranarsa, meyxanaçı əməliyyat keçirəcək.