2 saat qaldı...

Bunu bu gün Yazıçılar Birliyində mətbuat konfransı keçirən Yazıçılar Birliyinin katibi Çingiz Abdullayev söyləyib.

Çingiz Abdullayev deyib ki, Azərbaycan Xarici İşlər Nazirliyi ilə əlaqə saxlayıblar: “Sənədlər tam qaydaya salınıb, bu gün saat 16-17 radələrində şairlər vətəndə olacaqlar. İranda məhkəmə şairlərə qarşı hər hansı ittiham irəli sürməyib. Sadəcə, şairləri buraxdılar, başa düşdülər ki, onlar günahsızdırlar. Azərbaycan bu məsələyə xüsusən ciddi yanaşdı, 5 dəfə İrana bununla bağlı nota verdi. Xarici İşlər Nazirliyi heç vaxt bir vətəndaşa görə 5 dəfə nota verməyib”.

Çingiz Abdullayev qeyd edib ki, bu məsələyə bəzi jurnalist təşkilatları laqeyd yanaşdılar: “Görünür ki, onlar qrant almadıqları üçün belə laqeyd oldular. Onlar Azərbaycanın yalnız pis vəziyyətinə sevinirlər. Onlar üçün fərqi yoxdur ki, “Eurovision”, olimpiadada qələbələr olsun, yoxsa olmasın. Mətbuatda dırnaqarası politoloqlar şairlərə görə İrana nota verilməsinin lazımsız olduğunu bildirirdilər. Dünyanın 14 PEN-Klubu İrana müraciət etdi”.

Jalə