Bakının mərkəzindəki barda qanlı hadisə

Avqustun 24-nə keçən gecə Bakı şəhərinin Nəsimi rayonu ərazisində bıçaqlanma hadisəsi baş verib. Rayon Polis İdarəsindən Lent.az-a verilən məlumata görə, Azadlıq prospekti ilə Salatın Əsgərova küçəsinin kəsişməsində, zirzəmidə yerləşən “Avrasiya” barında 1986-cı il təvəllüdlü Elvin Mirzəyev bıçaqlanıb. Qarın nahiyəsindən xəsarət almış 26 yaşlı oğlan xəstəxanaya yerləşdirilib.

Hadisənin nə səbəbdən baş verməsi və gənc oğlanı kimin bıçaqladığı hələlik məlum deyil. Faktla əlaqədar araşdırmalar aparılır.