FHN dəhşətli qəza ilə bağlı məlumat yaydı

Lent.az-ın nazirliyin saytına istinadən verdiyi məlumata görə, Bakı-Şamaxı yolunun 72-ci kilometrliyində “VAZ” və “Mitsubishi” markalı minik avtomobilləri toqquşub. Dərhal FHN-in müvafiq xilasetmə qüvvələri hadisə yerinə cəlb olunub. Hadisə yerində əməliyyat şəraiti qiymətləndirilərkən məlum olub ki, “Mitsubishi” markalı avtomobilin sürücüsü və 5 nəfər sərnişini, o cümlədən 2 nəfər azyaşlı xilasedicilər çatana qədər yaralı vəziyyətdə xəstəxanaya aparılıb.

“VAZ” markalı avtomobilin sürücüsü – 1972-ci il təvəllüdlü Musayev Nizaməddin Ziyəddin oğlu xəsarət alıb, 2 nəfər sərnişin - 1940-cı il təvəllüdlü Talıbov Rüfət Talıb oğlu və 1941-ci il təvəllüdlü Talıbova Sürəyyə Hüseyn qızı hadisə yerində ölüb. Yanğınsöndürən-xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə sıxılmış vəziyyətdə qalmış yaralını, habelə Rüfət və Sürəyyə Talıbovların cəsədlərini avtomobildən çıxarıb. N.Musayev xəstəxanaya aparılarkən yolda ölüb.

Hadisə ilə əlaqədar müvafiq qurumlar tərəfindən təhqiqat aparılır.