Yataq otağınızı bu 4 rəngə boyamayın, yoxsa...

Yataq otağı evin ən vacib otaqlarından biridir. Günün yorğunluğunu atdığımız bu otaqda özünü dinc və rahat hiss etmək də çox vacibdir. Sizi gümrah hiss etdirən otaq dekorasiyası da bu mənada diqqət yetirilməli bir məqamdır.

Lent.az xarici mətbuata istinadən xəbər verir ki, otağın divarlarından tutmuş içəridəki əşyaların yerləşdirilməsinə qədər, yataq otağının dekorasiyası diqqətlə düşünülməli bir məsələdir. Yataq otağının rənginin düzgün seçilməsi çox vacibdir. Çünki yataq otağınızın rəngi sizing auranıza və psixologiyanıza birbaşa təsir edir.

Bəs, yataq otağında hansı rənglərdən istifadə etmək olmaz?

1. Sarı

Hər kəs öz zövqünə görə evini istədiyi kimi bəzəyə bilər, ancaq rənglərin enerjisi kimi bir məsələyə diqqət yetirmək lazımdır. Araşdırmalar göstərib ki, sarı divarlarla əhatə olunmuş otaqda yatmaq mənfi təsir göstərir. Bu rəngin yuxunu pozduğu bilinir, çünki beyni gündüz və ya oyaq olmaq vaxtı olduğunu düşünməyə vadar edir. Parlaq sarı günəşi təqlid edir və buna görə də insanlar gecələr rahat yuxuya gedə bilmirlər.

2. Qırmızı və narıncı

Qırmızı və narıncı boya kimi cəsarətli, isti rənglər hər hansı bir divarı xüsusilə yataq otağında fərqləndirir. Ancaq həqiqət budur ki, bu tonlar sakitləşdirici olması lazım olan bir otaq üçün yanlış seçimdir. İnteryer dizaynerləri yataq otağının sakit tonlarda dizayn edilməsinin xüsusilə vacib olduğunu vurğulayırlar. Amma bu o demək deyil ki, siz digər otaqlarınızda qırmızı və narıncı rənglərdən istifadə edə bilməyəcəksiniz. Bu rənglər ofis, mətbəx kimi bir yerdə əla olar.

3. Qara

Çoxumuz yataq otağımızın mağara kimi qaranlıq olmasını istəsək də, qara boya düzgün əhval-ruhiyyə yaratmır. Əksinə, qara rəngə boyanmış divarlar sakitləşdirmək əvəzinə daha gərgin mühit yaradır. Yataq otağınızın qara rəngdə olmasını istəyirsinizsə, divarları ağ rəngə boyayın və dərin kontrast üçün qəlibləri qara rəngə boyayın. Bundan əlavə, qara rəngli şkaflar seçə bilərsiniz. Ancaq hələ də qaranlıq divar ideyasından imtina edə bilmirsinizsə, tünd mavi rəng seçə bilərsiniz.

Yataq otağınızı daha çox yumşaq ağ və onun çalarları ilə rəngləyə bilərsiniz.