Ütünüzü ilk günkü kimi tərtəmiz edir - 1 qaşıq əlavə edin

Ütünüzə əhəng və ya pas yığılıbmı? Yeni ütü almağa ehtiyac yoxdur. Evdəki sadə və effektiv təbii qarışıqla ütünüzü asanlıqla təmizləyib, ilk günkü performansına qaytara bilərsiniz. Bəs həm cibinizə qənaət edən, həm də ətraf mühitə zərər verməyən bu üsul necə tətbiq olunur?

Lent.az bu üsulu təqdim edir:

Ütünüzü ilk günkü kimi tertəmiz edir. Bir qaşıq əlavə etmək kifayət edir: Əhəngi təmizləyir, yanıqlıq izini və pası kökündən yox edir Evdə tez-tez istifadə olunan elektrikli cihazlardan biri olan ütülər zamanla kran suyundakı minerallar səbəbindən əhənglənir və hətta paslanır.

Bu, yalnız ütünün performansını aşağı salmaqla kifayətlənmir, həm də ütünün səthində ləkələrin yaranmasına səbəb olur. Lakin bu cür problemlər dərhal yeni ütü almağa ehtiyac olduğu anlamına gəlmir. Evdə hazırlayacağınız sadə və təbii qarışıqla ütünüzü əvvəlki halına qaytarmaq mümkündür.

Ütülər niyə əhənglənir və paslanır?

Ütülərin əhənglənməsi adətən sərt sularla bağlıdır. Kran suyunda olan kalsium və maqnezium kimi minerallar ütünün su anbarında və buxar kanallarında yığılaraq zamanla əhəng qatı yaradır. Bu qat buxarın çıxışını əngəlləyir və ütünün istiliyini bərabər yaymasını çətinləşdirir.

Əhəng uzun müddət təmizlənməsə, metal səthlərdə paslanma yarana bilər. Pas ütünün alt səthində cızıqlara və ləkələrə səbəb olur, ütüləmə keyfiyyətini aşağı salır. Ütünüzdəki əhəng və pası təmizləmək üçün kimyəvi məhsullara ehtiyac yoxdur. Evdə olan materiallarla hazırlayacağınız təbii qarışıq işinizi görəcək.

Lazım olan materiallar:

1 stəkan ağ sirkə

Yarım stəkan təzə sıxılmış limon suyu

Yarım stəkan təmiz su

Təmiz və yumşaq bir bez

Bu qarışığı ütünün su anbarına tökün və ütünü yüksək buxar rejimində bir neçə dəqiqə işlədin. Buxarın çıxışı zamanı əhəngin həll olduğunu görəcəksiniz. Sonra ütü soyuduqdan sonra alt hissəsini nəm bezlə yumşaq şəkildə silin. Sonda su anbarını təmiz su ilə yaxalayıb tam boşaldın. Ütünüzün altındakı inadkar pas ləkələri üçün sirkə və limonla yanaşı, duz və karbonat qarışığı da təsirli dəstək verəcək.

Ediləcək işlər

1 xörək qaşığı karbonat və 1 çay qaşığı duzu qarışdırın.

Az miqdarda su əlavə edərək macun konsistensiyasına gətirin.

Soyumuş ütünün alt hissəsinə çəkib yumşaq şəkildə ovun.

Sonra nəm bir bezlə təmizləyin. Bu üsul pas ləkələrini təmizləyərkən ütünün səthini cızmadan işinizi görəcək. Ütünüzün əhəng və pas problemlərinin qarşısını almaq üçün təmizliyi müntəzəm etmək vacibdir. Sərt su istifadə olunan bölgələrdə ayda bir dəfə bu təbii təmizləmə üsulunu tətbiq etmək faydalıdır. Həmçinin, ütünüzün istifadə təlimatındakı qulluq tövsiyələrinə əməl edərək ütünüzün ömrünü uzada və daha səmərəli istifadə edə bilərsiniz.

Unutmayın, kimyəvi məhsullar yerinə təbii materiallarla təmizləmək həm sağlamlığınız, həm də ətraf mühit üçün daha yaxşıdır.