Qabyuyan maşından pis qoxu gəlməsinin SƏBƏBİ

Bəzi evdar qadınların mətbəxdə əziyyət çəkdiyi məsələlərdən biri də qabyuyan maşınından pis qoxunun gəlməsidir.

Lent.az xəbər verir ki, bunun bir neçə səbəbi ola bilər. Həmin səbəbləri təqdim edirik:

Yemək qalıqları

Qabyuyan maşında qoxuya səbəb olan şeylərdən biri də onda yemək qalıqlarının yığılıb qalmasıdır. Birbaşa maşına qoyduğunuz qabların üzərindəki yemək qalıqları isti su ilə birləşdikdə yumşalır.

Yuyucu vasitənin vaxtı gələndə bu qalıqlar qablardan təmizlənir və filtrdən keçir. Qida parçaları böyük olduqda bu filtr onların keçməsinin qarşısını alır və maşının içərisində qalan qalıqlar drenaja yığılmağa başlayır. Filtrdə dolan və yığılan qida qalıqları pis qoxuların yaranmasına gətirib çıxarır.

Ərp

Bəzi bölgələrdə su digər yerlərə nisbətən daha sərt ola bilər. Suyu sərt olan bir yerdə yaşayırsınızsa, qabyuyan maşında, çaydanda, ütüdə, kranlarda və duş kabinəsində tez-tez ərp problemi ilə qarşılaşa bilərsiniz.

Maşının içərisində yığılan ərp pis qoxulara səbəb olur. Eyni şəkildə, maşında qəlib qatının yığılması bu problemin səbəblərindən biridir.

Qabları saxlamaq

Bəzən qabyuyan maşının filtri təmiz olsa belə, ondan pis qoxular gələ bilər Bunun ən böyük səbəbi qabların uzun müddət maşında qalmasıdır. Xüsusilə ədviyyatlı, yumurtalı və ətirli yeməkləri bişirdikdən sonra qabları maşında uzun müddət saxlasanız, bu qoxular maşının içərisinə yayılacaq. Bu da normal haldır. Ona görə də çalışıb qabları maşında uzun müddət saxlamayın.