Mətbəxdə sağlamlığı “zəhərləyən” ən təhlükəli ƏŞYALAR

Hər bir mətbəxdə yemək prosesində fəal şəkildə istifadə olunan müxtəlif əşyalar var. Bununla belə, xəbərdarlıq olunur ki, bunlardan bəziləri sağlamlığa mənfi təsir göstərə bilər.

Lent.az xəbər verir ki, bu barədə mütəxəssislər danışıb.

Onların sözlərinə görə, üç növ mətbəx əşyası var ki, onlardan qaçmaq lazımdır.

Mütəxəssislər ilk növbədə qara neylondan hazırlanmış aksesuarları (spatulalar, çömçələr və s.) almamağı məsləhət görüb. Belə ki, onların qəşəng görünüşünə baxmayaraq, potensial sağlamlıq təhlükələri var.

Bəzi ölkələrdə ilkin aromatik aminlərin istifadəsi zamanı məhsullara miqrasiyası səbəbindən bu alətlər hətta qadağandır. Bu aminlər tək bir hidrogen atomu ilə əvəz olunduqda son dərəcə zəhərli ola bilər və hətta ölümə gətirib çıxara bilər. Onların inhalyasiyası və insan dərisi ilə təması təhlükə yaradır. İlkin aromatik amin zəhərlənməsinin əlamətlərinə nəfəs darlığı, mavi dodaqlar, barmaqlar və burunlar, huşun itirilməsi və sürətli ürək döyüntüsü daxildir. Bundan əlavə, onlar sinir sisteminə mənfi təsir göstərir və sidik kisəsi xərçənginə səbəb ola bilər.

Həmçinin mikrodalğalı sobada istifadə üçün nəzərdə tutulanlar da daxil olmaqla, yüksək temperaturlara məruz qalan plastik qablardan istifadə etməmək də məsləhət görülür.

Nəhayət, “Aliexpress” kimi internet saytlarından qida ilə təmasda olan mətbəx qablarını almaq tövsiyə edilmir. Çünki onlarda satış üçün təsdiqin tam təhlükəsizliyə zəmanət vermədiyi vurğulanır.

Mütəxəssislər polad alətlərdən istifadə etməyi məsləhət görür. Silikon qara plastik daha təhlükəsiz hesab edilsə də, optimal seçim kimi də tövsiyə edilmir.