Ukraynanın baş naziri Avroasiya iclasına qatılacaq

Dekabrın 24-də Ukraynanın baş naziri Nikolay Azarov Moskvaya səfərə gedir Lent.az-ın «BBC»-yə istinadən məlumatına görə, o, Avroasiya iqtisadi şurasının iclasında müşahidəçi sifəti ilə iştirak edəcək.

Xatırladaq ki, həmin qurum Rusiya, Belorus və Qazaxıstan dövlətlərindən ibarətdir.

Rusiya hökuməti mətbuat xidməti bildirib ki, Azarovun rusiyalı həmkarı Dmitri Medvedevlə də görüşü nəzərdə tutulub. Hökumət başçıları Rusiya-Ukrayna iri layihələri müzakirə edəcək.

Bir müddət öncə Rusiyanın xarici işlər naziri Sergey Lavrov bəyan edib ki, Moskva Ukraynanı Gömrük Birliyində görmək istəyərdi.