Yanvarın 24-də Ukrayna prezidenti Viktor Yanukoviç kilsələrin təmsilçiləri ilə görüşüb.
Lent.az-ın Rusiya KİV-ə istinadən məlumatına görə, yanvarın 16-da ölkə parlamentinin bir sıra azadlıqları məhdudlaşdıran qanuna yenidən baxılacağına söz verib: «Parlamentin uyğun dəyişikliklərə səs verməsi üçün mütəxəssislər müxalifət təmsilçiləri ilə bu qanun üzərində birgə çalışırlar».
O, Ali Radanın yanvarın 28-də keçiriləcək növbədənkənar iclasında hökumətin tərkibinin dəyişəcəyini açıqlayıb: «Bu sessiyada qərar qəbul edəcəyik. Prezident fərman imzalayacaq və biz peşəkar tərkib formalaşdırmaq üçün hökuməti yenidən quracağıq».
V.Yanukoviç Kiyevdə keçirilən etiraz aksiyaları zamanı tutulanların əfv ediləcəyini söyləyib.
2013-cü il noyabrın 30-da gecə Avromaydandakı etiraz aksiyasının dağıdılmasında iştirak edən məmurların vəzifədə qalmayacağını boyun olub: «Onlarn heç biri vəzifədə qalmayacaq. Onların hamısı tutduğu vəzifədən azad ediləcək».
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
