Terrorçular Ukraynanın “Mi-8” vertolyotunu vurub: 9 hərbçi ölüb

Ukraynada daha bir vertolyot vurulub. Lent.az-ın “Unian.net”-ə istinadən məlumatına görə, şahidlər vertolyotun dağın üzəri ilə uçarkən vurulduğunu bildirib.

Mənbənin məlumatına əsasən, terrorçular Slavyanskda, Karaçun dağı yaxınlığında Ukraynanın “Mi-8” hərbi vertolyotunu vurub.

«İnformasiya müqaviməti» qrupunun rəhbəri Dmitri Tımçuk “Facebook” səhifəsində yazıb: “Vertolyot terrorçular tərəfindən Daşınan Hava Müdafiə Sistemi (Zenit qurğusu) vasitəsi ilə vurulub”.

İlkin məlumata əsasən, olay nəticəsində 9 hərbçi, o cümlədən 3 ekipaj üzvü ölüb.