Fevralın 21-də gecə Türkiyənin Kilis Öncüpinar sərhəd keçid məntəqəsinin Suriya hissəsində partlayış baş verib.
Lent.az-ın Türkiyə NTV-sinə istinadən məlumatına görə, Suriyanın Bab əs-Səlam rayonunda avtomobilə quraşdırılan bombanın partlaması nəticəsində azı 20 nəfər həlak olub.
Mənbə bildirib ki, bu bölgəyə Azad Suriya Ordusu nəzarət edir. Əl-Qadəyə bağlı «İraq Şam İslam Dövləti» yaraqlılarının yük avtomobilinə quraşdırdığı bomba partlayıb.
Hadisə Türkiyə tərəfdə də vahimə yaradıb. Sərhədi keçən 50-yə yaxın yaralı Kilisdəki dövlət xəstəxanasına yerləşdirilib.
Partlayışdan sonra Öncüpinar sərhəd- keçid məntəqəsinə giriş dayandırılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
