Almaniyanın təhsil naziri Annette Şavan yaxın günlərdə Düsseldorf Universiteti Filologiya fakültəsinin qərarından məhkəməyə müraciət edəcəyini bildirib.
Lent.az-ın «RİA-Novosti»-yə istinadən məlumatına görə, fakültə şurası onun diertasiyasını «plagiat» sayaraq, nazirin elmi dərəcəsinin alınması barədə qərar çıxarıb. Qərara əsasən, 1980-ci ildə Şavanın müdafiə etdiyi «Şəxsiyyət və vicdan» dissertasiya işində «uyğun mənbələr göstərilmədən davamlı olaraq, başqasının intelektual əməyindən istifadə olunub».
Nazirin şikayət etmək üçün 4 həftə vaxtı var.
Mənbə xatırladıb ki, bu dissertasiya mövzusunda ilk hadisə deyil. 2011-ci ilin martında ölkənin o vaxtkı müdafiə naziri Karl-Teodor tsu Quttenberq də eyni məsələ ilə bağlı sonda istefa vermişdi.
Şavan da onun kimi elmi dərəcədən və alim təqaüdündən məhrum edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
