Ermənistandakı küçə hərəkatının lideri Nikol Paşinyan “baş nazir böhranı” və yaranmış vəziyyətdən çıxış yollarını birgə müzakirə etmək üçün ölkənin yeni seçilmiş prezidenti Armen Sarkisyanla görüşüb.
Lent.az tert.am-a istinadla bildirir ki, görüş prezidentin iqamətgahında baş tutub. Nikol Paşinyan bildirib ki, Armen Sarkisyanla görüşündə əsas müzakirə mövzusu koalisiyalı hökumət məsələsi olub:
“Mən prezidentə də dedim, yenə də söyləyirəm, hazırkı hakim partiya olan respublikaçılarla koalisiyalı hökumət qurmayacağıq. Biz belə bir təklifi qəbul edə bilmərik”.
Qeyd edək ki, aprelin 23-də Ermənistanın keçmiş baş naziri Serj Sarkisyan küçə hərəkatı işçilərinin təzyiqləri qarşısında duruş gətirə bilməyib və istefa verib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
