Özal zəhərlənməyibmiş

Türkiyənin 8-ci prezidenti Turqut Özalın zəhərlənmədiyi məlum olub. Lent.az-ın “Hürriyet” qəzetinə istinadən verdiyi məlumata görə, bunu Turqut Özalın cənazəsində aparılan araşdırmadan sonra Məhkəmə-Tibbi Ekspertiza Komissiyası tərəfindən hazırlanan hesabatla bağlı yazılı açıqlama yayan Ankara Cümhuriyyət Prokurorluğu bəyan edib.

Məhkəmə-Tibbi Ekspertiza Komissiyasının hesabatında Turqut Özalın zəhərlənməsinə dair hər hansı əlamətə rast gəlinmədiyi bildirilib. Prokurorluq həm də Turqut Özalın ölümünün dəqiq səbəbinin müəyyənləşdirilmədiyini qeyd edib.