NATO Baş katibinin xüsusi nümayəndəsi Tiflisdədir

NATO Baş katibinin Cənubi Qafqaz və Mərkəzi Asiya üzrə xüsusi nümayəndəsi Ceyms Appaturay Gürcüstanın paytaxtı Tiflisə gəlib.

APA-nın məlumatına görə, bu barədə “Rustavi-2” telekanalı xəbər verib.

Səfər çərçivəsində C.Appaturay Gürcüstanın Müdafiə Nazirliyində məsləhətləşmələr aparacaq, ölkə parlamentində olacaq, həmçinin, baş nazir İrakli Qaribaşvili ilə görüşəcək.

Xatırladaq ki, sentyabr 4-5-də Uelsdə keçirilən NATO sammitində Gürcüstanın Alyansa üzvlüyünə kömək edən tədbirlər paketi təsdiq edilib. Sənədə əsasən ölkədə NATO-Gürcüstan təlim-tədris mərkəzinin yaradılması nəzərdə tutulur.