Krımda Stalinin sərgisi dağıdılıb

Simferopol daxili işlər orqanı şəhər mərkəzində Stalinin anadan olmasının 133 illiyinə həsr edilmiş fotostendin dağıdılması ilə bağlı məhkəməyə qədər araşdırmaya başlayıb.

Lent.az-ın «İnterfaks»a istinadən məlumatına görə, sərgi «Krım – zamanın mahiyyəti» adlı Rusiya təşkilatının Krım bölməsi tərəfindən təşkil olunub. Təşkilatçılar Stalinin şəxsiyyətinə önəm verərək, «rus dövlətinin tarixindəki əhəmiyyətini» təbliğ ediblər.

Bu sərgi yerli əhalidə elə ciddi maraq oyatmayıb. Krımdakı tatarların deportasiya olunması ilə bağlı da vərəqlər paylanıb.

Bir qrup gənc «Stalin, Hitler –faşist!» şüarını deyə-deyə, stendi dağıdıb, üstünə faşist svastikasını çəkib.

Tədbirlə bağlı Krım tatar məclisinin mətbuat xidməti bəyanat verib: «Bu sərgi SSRİ də bir çox xalqın qatilinə həsr edilib və Krım tatarlarının hiddətinə səbəb olub. «Zamanın mahiyyəti» Ümumrusiya ictimai hərəkatı tərəfindən belə aksiyanın suveren Ukraynada keçirilməsi ictimai həyata kobud müdaxilədir».