Kral Salman neft nazirini istefaya göndərdi

Səudiyyə Ərəbistanının kralı Salman ibn Əbdül Əziz ək-Səud neft naziri Əli əl-Naimini istefaya göndərib. APA-nın “Arab News”a istinadən verdiyi xəbərə görə, kral Əli əl-Naimini məhkəmə məsələləri üzrə müşavir postuna təyin edib.

Məlumata görə, neft naziri postuna əvvəl səhiyyə naziri olmuş Halid əl-Faleh təyin edilib.

Qeyd edək ki, Səudiyyə Ərəbistanının kralı Salman ibn Əbdül Əziz əl-Səud ölkənin bir neçə nazirliklərində dəyişikliklər aparıb. Bəzi nazirliklər ləğv olunub, bir neçə yeni nazirlik yaradılıb, bir neçəsi isə birləşdirilib.