Hələbdəki xəstəxana mayın 3-də müxalifət qüvvələrinin nəzarətində olan ərazidən bombalanıb. APA-nın “Reuters”ə istinadən verdiyi xəbərə görə, bu barədə ABŞ-ın dövlət katibi Con Kerri bildirib.
“Göründüyü kimi, raketlər müxalifətin nəzarətində olan ərazidən buraxılıb. Biz hazırda zərbələrin hansı müxalifət qüvvəsi tərəfindən endirildiyini araşdırırıq”, - deyə Con Kerri bildirib.
O qeyd edib ki, hücumun kim tərəfindən törədilməsindən asılı olmayaraq, bu cür insidentlərə haqq qazandırmaq olmaz.
Qeyd edək ki, “RİA Novosti”nin məlumatına əsasən, “Cəbhət ən Nüsrə” qruplaşması mayın 3-də reaktiv sistemlərdən Hələbdəki doğum evinə zərbələr endirib. Nəticədə 6 nəfər ölüb, 39 dinc sakin yaralanıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
