İsveçdə 12 qəpiyə ev satılır - FOTO
13 iyul 2015 18:01 (UTC +04:00)

İsveçdə 12 qəpiyə ev satılır - FOTO

İsveçin paytaxtı Stokholmdan 160 km məsafədə yerləşən Evle şəhərində, Renessans üslubunda böyük bina cəmi 1 krona (bizim pulla 12 qəpiyə) satılır. Lent.az fins.az-a istinadən xəbər verir ki, evi alacaq şəxs qarşısında onun öz hesabına yenidən qurulması mütləq şərt kimi qoyulub.

 

Villa Sjötorp adlı malikanə sökülmə təhlükəsi qarşısındadır: “Yeni mülkiyyətçi malikanənin bərpası üçün kifayət qədər vəsait qoymağa hazır olmalıdır - bəlkə onu xilas etmək mümkün oldu. Belə evi itirmək çox dəhşətli olardı, çünki onu xilas etmək mümkündür, o bizim mədəni sərvətimizin bir hissəsidir ”- mülk barədə sosial şəbəkədə verilən elanda bildirilir.

 

Hazırda bina Evle limanına məxsusdur. Limanın baş direktoru Fredrik Svanbom bildirib ki, limanın bu tikiliyə daha ehtiyacı yoxdur və həmişə onun sökülməsi istəyib. Kampaniya Evlenin özündə, həm də bütün İsveçdə geniş kütləvi dəstək alıb. 1 krona satılan evə sosial şəbəkədə 500 min dəfə baxılıb, daha 3 min nəfər isə öz profilində bölüşüb. Kampaniyasının təşkilatçısı Xelmbek Tiren hesab edir ki, onun populyarlığının sirri 1864-cü ildə tikilən bu obyektin unikallığında gizlənir.

 

# 161
avatar

Oxşar yazılar