Hindistan daşıyıcı-raket kosmik aparatını orbitə buraxdı

Hindistan ilk dəfə yerli istehsal olan daşıyıcı-raket kosmik aparatını orbitə buraxıb.

APA-nın RİA Novosti agentliyinə istinadən verdiyi məlumata görə, raket Andxra-Pradeş ştatındakı “Şrixarikota” kosmodromundan orbitə buraxılıb.

Yerli vaxtla saat 07:00-də buraxılan RLV-TD (Re-usable launch vehicle - Technology demonstration) adlı raketin uzunluğu 6,5 m, çəkisi isə 1,75 tondur. Bildirilir ki, 5 il müddətinə ərsəyə gətirilən kosmik layihə 1,4 milyon dollara başa gəlib.