Ərdoğan: “Ermənistan odla oynayır”

“Türkiyədə 100 minə yaxın erməni var. Bunların 50 mini Türkiyə vətəndaşı deyil. Türkiyədə yaşama icazəsi olmayan ermənilərə belə yaxşı davranırıq. Biz hər zaman xoş niyyətli olduğumuzu göstəririk ”.

Lent.az-ın Türkiyə KİV-ə istinadən məlumatına görə, bunu Türkiyə prezidenti Rəcəb Tayyip Ərdoğan Xorvatiyada müxbirlərə açıqlamasında deyib.

Ermənistan prezidenti Serj Sarkisyanın Azərbaycanla müharibəyə hazır olduqlarına dair fikirlərinə münasibət bildirən Ərdoğan “Ermənistan odla oynayır” deyib.

Ərdoğan əlavə edib ki, qarşıdurma zamanı Azərbaycan və İlham Əliyev güc qazanır: “Rusiya da Ermənistana açıq şəkildə dəstək verə bilmir. Çünki Azərbaycanla da münasibətindən mənfəət güdür. Azərbaycanın geri aldığı yerlərlə əlaqəli “bizim üçün önəmli deyil” desələr də, Ermənistanı qorxu bürüyüb. Əhali, əsgər sayı və digər imkanlar baxımından Azərbaycanın gücü Ermənistanla müqayisə edilməyəcək dərəcədə çoxdur”.