İran prezidenti Mahmud Əhmədinejadın həftəsonu Türkiyəyə səfəri gözlənilir.
APA-nın məlumatına görə, səfər Türkiyənin baş naziri Rəcəb Tayyib Ərdoğanın dəvəti əsasında həyata keçirilir.
Məlumata əsasən, R. T. Ərdoğan dekabrın 16-da Konya şəhərinə gedəcək. Bu səbəbdən M. Əhmədinejadın da dekabrın 17-də Konyaya səfər edəcəyi bildirilir. Eyni zamanda xəbərdə hər iki liderin axşam saatlarında Konya şəhərində keçiriləcək Şəb-i Aruz mərasimlərinə qatılacaqları qeyd olunub. Məlumatda həmçinin İran prezidentinin dekabrın 17-də xüsusi təyyarə ilə Konyaya səfər edəcəyi və həmin gün də ölkəsinə geri dönəcəyi vurğulanıb.
Qeyd edək ki, Türkiyənin baş naziri və İran prezidenti sonuncu dəfə oktyabrın 17-də Bakıda görüşüblər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
