Əfqanıstanda Gürcüstan əsgəri itkin düşüb

NATO koalisiyasının Əfqanıstandakı sözçüsü bildirib ki, ölkənin cənub əyalətlərindən birində xidmətdə olan gürcü əsgər itkin düşüb.

Lent.az-ın xarici informasiya vasitələrinə istinadən məlumatına görə, NATO əsgərinin tapılması üçün tədbirlər görülməkdədir.

Gürcüstanın Müdafiə Nazirliyi də dekabrın 21-də əsgərinin itkin düşdüyünü təsdiqləyib.

Amma nazirlik hadisə ilə bağlı ətraflı məlumat verməyib.

Gürcüstan Əfqanıstanda ən çox hərbçiləri olan qeyri-NATO ölkəsidir. Bu ölkə Əfqanıstandakı beynəlxalq anti-terror koalisiyasına 1 570 əsgər verib. Son üç ildə 18 gürcü əsgər həlak olub.