Çin hakimiyyətinin uyğur türklərinə qarşı təzyiqi davam edir. Lent.az-ın xarici informasiya vasitələrinə istinadən məlumatına görə, Sincan-Uyğur Muxtar Bölgəsinin Kaşqar vilayətində polis bölməsinə basqın edildiyi iddia olunur.
Polisin açdığı atəş nəticəsində 9 uyğur həlak olub.
Çin rəsmiləri bildirib ki, əli bıçaqlı bir qrup polis şöbəsinə «basqın edib».
Uyğur fəalları isə Çin hakim dairələrinin dediklərini təkzib edib: «Hakimiyyət bölgəni despotik qaydalarla idarə edir. Mərkəzi rejim muxtariyyətə təzyiqlərini artırır».
Xatırladaq ki, dekabrın 15-də də Çin informasiya vasitələri uyğurların «bıçaqla polis şöbələrinə basqın etməsi» haqda xəbər yaymışdı. Onda da polis odlu silahla 14 uyğuru qətlə yetirmişdi.
Bu il rəsmi Pekin azı 4 dəfə «iğtişaşı yatırmaq» adı altında Uyğurustana hərbi qüvvələr yeridib, ictimai-fəalları ya qətlə yetirib, ya da həbs edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
