BMT-nin müfəttişləri Suriyada kimyəvi silah tətbiqini araşdırmaqdadır.
Lent.az-ın «İTAR-TASS»-a istinadən məlumatına görə, onlar Dəməşq ətrafında kimyəvi silahın tətbiqi zamanı istifadə olunan kimyəvi maddəni müəyyənləşdirə bilməyib.
Bunu BMT və Ərəb Dövlətləri Liqasının Suriya üzrə xüsusi nümayəndəsi Lahdar Brahimi Parisdə mətbuat konfransında deyib: «Mütəxəssislərimiz hazırda Dəməşqdə işləyir. Onlar xeyli məlumat toplayıb. Ehtimal olunan kimyəvi silahın tətbiqi zamanı istifadə olunan kimyəvi maddəni hələlik müəyyən edə bilməyib. Biz analizlərin nəticələrini gözləyirik».
Lahdar Brahimi son günlər Suriyaya hərbi müdaxilə ehtimalı ilə bağlı yayılmış xəbərləri şərh etməkdən yayınıb: «Bu haqda heç bir məlumatım yoxdur».
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
