Con Kerrinin müavini Nikokas Maduronun dəvəti ilə Venesuelaya səfər edib
ABŞ dövlət katibinin siyasi məsələlər üzrə müavini Tom Şennon Venesuelaya səfərə yola düşüb.
APA-nın “Gazeta.ru”ya istinadən verdiyi xəbərə görə, bu barədə ABŞ Dövlət Departamentinin rəsmi nümayəndəsi Con Kirbi bildirib. Onun sözlərinə görə, diplomat iyunun 21-də yola düşüb.
Səfərin məqsədi Venesuelanın sosial, iqtisadi və siyasi problemlərinin müzakirə olunmasıdır.
“O, dövlət katibinin göstərişi və Venesuela hökumətinin dəvəti əsasında, iki gün Venesuelada səfərdə olacaq”, - deyə Kirbi qeyd edib.
Kirbi qeyd edib ki, Şennon Venesuelada bir neçə yüksək vəzifəli şəxslərlə, müxalifət üzvləri və vətəndaş cəmiyyətinin nümayəndələri ilə görüşəcək.
Qeyd edək ki, Venesuela prezidenti Nikolas Maduro bundan əvvəl ölkəsinin ABŞ hökuməti ilə münasibətləri nizamlamağa hazır olduğunu bildirib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
