ABŞ-da neft zavodunda partlayış: 20 yaralı

ABŞ-ın Viskonsin ştatında yerləşən neft emalı zavodunda partlayış nəticəsində 20 nəfər xəsarət alıb. APA-nın “RİA Novosti”yə istinadən verdiyi xəbərə görə, partlayışdan sonra hadisə yerində güclü yanğın baş verib. İşçilər müəssisədən təxliyə edilib. Xəsarət alanlardan 5 nəfəri xəstəxanaya yerləşdirilib, qalanlarına tibbi yardım hadisə yerində göstərilib.

Hadisə yerindən bir mil radiusunda əhalinin evakuasiyası elan edilib.