«Qazprom» «Naftoqaz»-dan 7 milyard tələb edir

«Qazprom» Rusiyanın dövlət şirkəti Ukraynanın «Naftoqaz»-ına qarşı 7 milyard dollara yaxın iddia qaldırıb.

Lent.az-ın «BBC»-yə istinadən məlumatına görə, Rusiya tərəfi iddia edib ki, Ukrayna şirkəti 2012-ci ildə aldığı təbii qazın pulunu ödəməyib.

«Naftoqaz» təmsilçisi bildirib ki, ötən ilin pulunu bütövlükdə ödəyiblər, eləcə də Rusiyadan idxal edəcəkləri «mavi yanacağın» həcmini azaldacaqları barədə onlara xəbər veriblər.

Ukrayna Energetika və Daş kömür Sənayesi Nazirliyinin göstəricilərinə əsasən, 2012-ci ildə onlar Rusiyadan 32, 9 milyard kub metr qaz idxal ediblər. Bu isə 2011-ci ildəkindən 26, 5 faiz azdır.

Ancaq 2009-cu ildə «Qazprom»-la «Naftoqaz» arasında imzalanmış müqaviləyə əsasən, Ukraynan şirkəti hər il Rusiyadan azından 33,3 milyard kub metr qaz idxal etməlidir.